Karriera e Kyle Walker me Anglinë duket se është mbyllur, të paktën sa të jetë trajner Gareth Southgate.
Mbrojtësi i djathtë iManchester City u detyrua të lëshojë një kërkim falje, pasi kishte injoruar masat e vendosura për të ndaluar përhapjen e coronavirusit dhe organizoi një ndejë me dy prostituta, ku pagoi qindra euro.
Manchester City ka hapur një hetim të brendshëm dhe lojtari pritet të merr një gjobë të rëndë, më të lart se 200,000 funte.
Sipas The Star, Southgate nuk do ta ftojë më asnjëherë anësorin e Anglisë.
Walker ka bërë 48 paraqitje për vendin e tij midis viteve 2011 – 2020 dhe luajti një rol të rëndësishëm në Kupën e Botës 2018, ku shkuan deri në gjysmëfinale.
Trent Alexander-Arnold, Aaron Wan-Bissaka dhe Kyrian Trippier janë emrat në të cilët do të koncentrohet Anglia në të ardhmen. /Telegrafi/