Në ditët e sotme, gjithnjë e më shumë njerëz po flasin për përfitimet e dusheve të ftohtë.
Mund të tingëllojnë si makthi juaj më i keq, por siç rezulton, studimet tregojnë se spërkatja e vetes me pak ujë të ftohtë gjatë dushit tuaj mund të ju ndihmojë të luftoni kundër sëmundjeve, humorit të keq dhe edhe yndyrës së tepërt të trupit!
Ndërsa ne po bëjmë të pamundurën që sistemet tona imune të funksionojnë tani në mes të pandemisë COVID-19, një dush i ftohtë mund të jetë diçka që dëshironi të shtoni në rutinën tuaj.
Një studim i 3.018 personave rreth moshës 18 vjeçare tregoi se një dush i nxehtë në të ftohtë mund të ndihmojë në rritjen e imunitetit.
Në studim, një grup bëri dushe të ngrohtë ashtu siç do të ndodhnin, ndërsa grupet e tjera bënë dushe të ngrohtë me shpërthime uji të ftohtë për 30, 60, ose 90 sekonda. Ata e bënë këtë çdo ditë për 30 ditë dhe rezultatet treguan se grupet që bënin dush të ftohtë ishin 29 përqind më pak të predispozuar të sëmureshin.
Shumë njerëz që janë përkrahës për të bërë dush të ftohtë kanë raportuar përfitimet e tij për nxitjen e humorit, dhe shkencëtarët kanë filluar të kuptojnë pse kjo mund të jetë. Një artikull i botuar në revistën Medical Hypotesis sugjeron që temperaturat e ftohta mund të ndihmojnë në rregullimin e sistemit tonë nervor simpatik.
Nëse kjo nuk ishte e mjaftueshme për t’ju bindur që të bëni disa spërkatje të ftohta, gjithashtu thuhet se dushet e ftohta mund t’ju ndihmojnë të largoni yndyrën e trupit.
Studiuesit të cilët kanë kryer një studim të botuar në Diabetes Journal sugjerojnë që temperatura e ftohtë ju ndihmon të eliminoni yndyrën që zakonisht grumbullohet në zonën rreth barkut. /Telegrafi/