Një fotografi bardh e zi, e shpërndarë nga Times Show, që përshkruan një mace dhe një mi, thuhet se zbulon personalitetin e vërtetë të një personi, në varësi të kafshës që dallon së pari.
Ky iluzion optik ka për qëllim të zbulojë nëse një person është i pavarur dhe kurioz, apo ka një personalitet më të kujdesshëm, përcjell Telegrafi.
Dhe sipas përshkrimit që i është bërë fotos, pretendohet se nëse e keni parë macen së pari, tiparet e personalitetit tuaj janë “të ngjashme me ato të maces”. Jeni të pavarur, kurioz, misterioz e lozonjarë.
Por, siç pretendohet më tej, nëse e keni parë miun së pari, do të thotë se jeni më të kujdesshëm. Jeni të turpshëm, të rezervuar, të vëmendshëm dhe të ndrojtur. Edhe pse përballeni me probleme dhe situata të vështira, jeni të adaptueshëm dhe të shkathët mjaftueshëm për t’i zgjidhur ato. /Telegrafi/