Kryetari i Aleancës për Ardhmërinë e Kosovës, Ramush Haradinaj është arrestuar të mërkurën nga Policia e Francës. Ai është arrestuar në bazë të urdhërarresti ndërkombëtar të lëshuar nga Serbia.
Haradinaj ndodhet në ndalim në një burg në Francë, ndërkohë që autoritetet franceze kanë njoftuar ato kosovare për arrestimin e tij.
Ndërkaq, në një konferencë për media nënkryetari i AAK-së ka kërkuar nga Qeveria e Kosovës që të ndërpresë bisedimet me Serbinë e po ashtu të mos lejojë zyrtarët serbë të hyjnë në Kosovë.
Ai ka shtuar se janë duke pritur për vendimin e sotëm dhe se janë të bindur se autoritete franceze e kanë kuptuar drejtë situatën se ku e ka sjellë Haradinajn dhe Kosovën, Serbia me këto fletëarreste.
Haradinaj më herët ishte arrestuar edhe në Slloveni.
Më poshtë mund ta shihni videon e Koha.net, ku shihet arrestimi i Haradinajt në Francë. /Telegrafi/
Pamje nga arrestimi Haradinaj në aeroport by kohanet
Video: Koha.net