Para dy ditëve në fshatin Bogovinjë të Tetovës, u vra kryetari i Komunës së Bogovinës, Hazbi Idrizi. Idrizi u vra nga dorasi Q.A., tashmë edhe ky i vdekur si pasojë e vetëvrasjes, si shkak i një mosmarreveshje të mëhershme personale në mes tij dhe kryetarit Idrizi, përcjell Telegrafi Maqedoni.
Në një kronikë të TV Koha, në një mbledhje komemorative kushtuar kryetarit të Komunës, vëllai i Hazbi Idrizit, Idriz Zejnuli, tha se nuk do të merremi me familjen e vrasësit.
‘Sa i përket, nga ana jonë, ne nuk kemi me familjen e tij asgjë, për shkak se, ai e bëri atë që e bëri, vrau edhe veten dhe tash le t’i gjykojë Zoti. Zoti është i madh dhe ne besojmë në Zot’, tha ndër të tjera vëllai i kryetarit të Komunës, tashmë i ndjerë, Hazbi Idrizi.
Poashtu edhe burime për Telegrafin, gjegjësisht bashkëfshatarë që kanë ngushëlluar familjen Idrizi, thonë se familja Idrizi e ka mbyll këtë çështje dhe nuk do të hakmerret. /Telegrafi/
