Karl Heinz Rummenigge ka fajësuar gjyqtarin Cuneyt Cakir për eliminimin nga Atletico Madrid në gjysmëfinale të Ligës së Kampionëve.
Zyrtari i lartë i Bayern Munichut ka thënë se gjyqtari nuk ishte në nivelin e detyrës.
“Ndihemi të tradhtuar nga paraqitja e gjyqtarit”, deklaroi Rummenigge.
“Një gol nga pozita jashtë loje dhe një penallti e gjykuar për kontakt jashtë zone”, theksoi ai.
Përkundër fitores me rezultat 2:1, Bayerni u eliminua shkaku i pësimit të golit si vendas. Kujtojmë se takimi i parë kishte përfunduar në dobi të madrilenëve me rezultat minimal prej 1:0, e cila ishte e mjaftueshme për Atleticon që të sigurojë një biletë për në finalen e Milanos. /Telegrafi/
