David De Gea ka folur rreth edicionit të sapo përfunduar të Ligës Premier.
Megjithëse Manchester United e përfundoi kampionatin në pozitën e pestë duke mos arritur të kualifikohet në Ligën e Kampionëve, spanjolli ka thënë se kampanja nuk ka qenë e dobët në ligën elitare angleze.
“Ka qenë sezoni më i mirë i karrierës sime. Unë jam në formë të madhe fizike dhe mendore, unë jam shumë i fokusuar”.
“Nëse fitojmë FA Cup do të jetë një sezon edhe më i mirë. Ne jemi të gjithë me të vërtetë të etur për të fituar një trofe kaq të rëndësishëm për këtë klub, mbështetësit tanë dhe veten. Ne do të luftojmë deri në fund dhe të bëjmë gjithçka që mundemi për të fituar FA Cup”, tha De Gea.