Kuvendi i Maqedonisë së Veriut me 101 vota ‘për’ votoi Qeverinë e re teknike me në krye Oliver Spasovskin.
Ministrat në Qeverinë teknike dhanë betim solemn ndërsa kjo Qeveri do të zgjasë 100 ditë, deri sa të mbahen zgjedhjet e parakohshme kuvendare, përcjell Telegrafi Maqedoni.
Në Qeverinë teknike opozita maqedonase, përveç ministrave në MPB dhe MPPS ka edhe zëvendësministra në Ministrinë e Financave, Shoqërisë Informatike dhe Administratës dhe Bujqësisë.
Për ministër të MPB, OBRM-PDUKM e propozoi Naqe Çulev ndërsa për ministre të Ministrisë së Punës dhe Politike Sociale është propozuar Rashela Mizrahi. Për zëvendësministre të financave propozohet Gordana Dimitreska Koçoska për në MSHIA, Nevenka Stamenkovska dhe në Ministrinë e Bujqësisë, Cvetan Tripunovski.
Me propozim të LSDM, zëvendësministre në MPB do të jetë Slavjanka Petrovska ndërsa në MPPS Sanela Shkrijejl.
Kjo është qeveria e dytë teknike para mbajtjes së zgjedhjeve kuvendare. Kryeministër i qeverisë së parë teknike ishte Emil Dimitriev nga OBRM-PDUKM./Telegrafi/