Drejtori i Përgjithshëm i Paris Saint-Germain, Nasser Al-Khelaifi i ka dërguar një mesazh të fshehtë sulmuesit Kylian Mbappe, pasi e ardhmja e tij vazhdon të jetë historia përcaktuese nga e cila varet vera e tyre. Njëlloj, ajo pa dyshim do të përcaktojë verën e Real Madridit.
Mbappe ka pohuar se dëshiron të përfundojë kontratën e tij me Paris Saint-Germain, kontratë e cila skadon në fund të sezonit të ardhshëm.
Megjithatë, PSG, i etur për të mos e parë atë të largohet falas, i ka thënë Mbappes se ai ose duhet të nënshkruajë një marrëveshje të re ose të largohet këtë verë.
Duke folur në bazën parasezonale të PSG-së, Al-Khelaifi shpjegoi për Cadena SER se nëse Mbappe në këtë rast nuk donte të ishte në PSG, ai duhet të largohej nga klubi.
“Klubi është më i madh se kushdo këtu, përfshirë mua. Dhe kushdo që nuk dëshiron të luajë ose nuk e respekton stemën, nuk duhet të jetë këtu”.
“Janë ndërtuar objektet më të mira në botë, nuk ka më justifikime. Nuk mungon asgjë. Përqendrohuni në performancën dhe më pas lërini rezultatet të vijnë”, ka thënë Al-Khelaifi.
Real Madridi duket i kënaqur të vazhdojë të presë që një marrëveshje të bjerë në çmimet e kërkuara nga ta, ose të presë deri në verën e ardhshme, kur një marrëveshje nga Mbappe do të ishte shumë më e lirë se pagimi i tarifës së transferimit.
Siç është situata, fuqia është te Mbappe. Një rinovim, një largim ose përfundimi i kontratës së tij varet nga vendimi i tij. Derisa mendja e tij të ndryshojë, asgjë tjetër nuk do të ndryshojë. /Telegrafi/