Raphael Varane ka zbuluar se ishte shumë pranë largimit nga Real Madridi.
Por, ishte trajneri dhe bashkëkombësi francez, Zinedine Zidane që ndikoi në vendimin e tij për tu mos u larguar, transmeton Telegrafi.
“I besoj klubit dhe trajnerit. Kam folur shumë me Zidane dhe ai beson tek unë. Kjo është arsyeja se pse vendosa të qëndrojë”.
“Dëshiroja të largohesha pas një sezoni të vështirë dhe mungesës në Euro 2016, por i lash të gjitha mbrapa dhe tani jam duke shikuar vetëm përpara. Ndjehem mirë këtu dhe është vendi i duhur për tu zhvilluar si lojtar. Mendoj se qëndrimi tek Real Madridi është një vendim i mirë për mua”, tha Varane.
Mbrojtësi 23-vjeçar kaloi në radhët e klubit spanjoll në vitin 2011 prej skuadrës së Lilles, ku deri më tani është paraqitur në 91 ndeshje dhe ka shënuar një gol. /Telegrafi/