Zuleyka Rivera është aktore portorikane, moderatore, valltare, modele dhe konkurrente bukurie, e cila e ka fituar ‘Miss Puerto Rico Universe 2006 ‘ dhe ‘Miss Universe 2006’.
Para se të shpallej më e bukura e Porto Rikos, ajo e fitoi garën lokale të bukurisë në Salinas.
Rivera ishte vetëm 18 vjeçare kur u shpall ‘Miss Universe’ duke u bërë kështu një prej femrave me moshën më të re që e fiton këtë garë bukurie.
Këtë titull, ajo e fitoi në Los Angeles dhe që nga atëherë nisi edhe fama e saj duke i ndihmuar në ndërtimin e karrierës në SHBA.
Ajo debutoi si aktore në telenovelën meksikane të Telemundos, “Dame Chocolate”, në vitin 2007, ndërsa në vitin 2010 luajti rolin negativ në telenovelën “Alguien Te Mira”. Po të njëjtin vit, luajti në “Aurora”, po ashtu në rol negativ, njofton Telegrafi.
Pas një pauze për shkak të shtatzënisë, Rivera iu kthye aktrimit në vitin 2012 në “Rosario”, sërish në rol negativ. Me karakter negativ, ajo u paraqit edhe në telenovelën “Cosita” në vitin 2013.
Sa i përket jetës personale, Zuleyka ka qenë për tre vite (2010-2013) në lidhje me basketbollistin e Dallas Mavericks, J. J. Barea. Në vitin 2012, ata u bënë prindër të një djali.
Lista e serialeve ku ka luajtur
Dame chocolate (2007)
Beyaz Show (2007)
Minute to Win It (2010)
Aurora (2010)
Alguien te mira (2010)
Rosario (2013)
Cosita linda (2014)
La revista de Zuleyka (2015)
Në vitin 2010, 29-vjeçarja është paraqitur edhe në filmin “Que despelote! la pelicula”, kurse në vitin 2017 ishte protagonistja kryesore në klipin e mega-hitit “Despacito” të Luis Fonsi dhe Daddy Yankee. /Telegrafi/
