Selena Gomez duket se ka një të dashur të ri dhe fansat janë të etur të dinë gjithçka për Drew Taggart, pasi dyshja u panë së fundmi në një ‘bowling’.
Prej disa kohësh është përfolur për një romancë mes tyre, por tashmë që ata janë parë qartë duke u sjellë si çift në publik, fansat e marrin këtë si konfirmim zyrtar se Taggart është i dashuri i saj i ri.
Fotot e publikuara nga Page Six treguan anëtarin 33-vjeçar të “Chainsmokers” shumë të afërt me yllin e muzikës pop, e cila është 30-vjeçe.
Rruga ku ata u panë bashkë quhet ‘The Gutter’, ndërsa gjendet në qytetin e New Yorkut.
Një dëshmitar okular madje pranoi se dyshja po shkëmbenin edhe puthje me njëri-tjetrin.
Raportime të tjera kanë sugjeruar se çifti i famshëm për momentin po i mban gjërat mjaft private dhe thjesht po shijojnë shoqërinë së bashku.
“Ata nuk po përpiqen të fshehin romancën e tyre”, tha një burim për Us Magazine të hënën, duke vënë në dukje se muzikantëve u pëlqen “të shkojnë në bowling dhe në kinema”.
Disa fansa të rinj u panë duke iu bashkuar dyshes në fund të natës për të kërkuar foto.
Taggart është një nga zemrat e dyshes elektronike amerikane “Chainsmokers”.
Burimi mes tjerash shtoi se Gomez është “aq e dashur” me DJ dhe “mezi po mban duart larg tij”.
Taggart ka qenë i përfshirë në disa këngë pop gjatë dekadës së fundit apo më shumë me “Chainsmokers” që janë aktiv që nga viti 2012.
Ai ka lindur më 31 dhjetor të vitit 1989 dhe tani është 33-vjeçar.
I njëjti me origjinë është nga Amerika dhe ka bashkëpunuar deri më tani me emra të njohur si: Alex Pall, Halsey etj. /Telegrafi/
