Sami Kurteshi nga Lëvizja Vetëvendosje kërkoi sot në Komisionin Qendror të Zgjedhjeve sqarim rreth asaj se a ka ende në postat e Kosovës pako të supozuara me vota nga diaspora, në emër të KQZ.
Ai tha se si është e mundur që këto pako nuk janë në KQZ, por në postat e Kosovës.
“Nëse ka pako që ka ardh në emër të KQZ në postat e Kosovës, KQZ duhet t’i marr. A numërohen a jo ajo është çështje tjetër. Nuk është posta pronare, por KQZ është pronare e atyre pakove”.
Kurteshi kërkoi të dijë pse KQZ nuk është e informuar për këtë çështje. Ne kemi marrë informata jashtë KQZ”, tha ai.
Anëtari i LVV në KQZ ka hedhur kritika për Qendrën e Numërimit dhe Rezultateve, duke thënë se nuk janë duke e kryer punën si duhet. /Telegrafi/