Një gjyshe nga Shtetet e Bashkuara në moshën 90-vjeçare më në fund ka arritur të marrë në dorën e saj diplomën, 71 vite pasi për herë të parë u regjistrua në fakultet.
Joyce DeFauw, më pas Joyce Viola Kane, filloi vitin e parë në Universitetin Northern Illinois në vitin 1951, me planin që të marrë diplomën në fushën e ekonomisë, transmeton Telegrafi.
Megjithatë, këto plane ndryshuan kur DeFauw njohu bashkëshortin e saj të parë në kishë, tha ajo për CNN.
“Kam shkuar në shkollë tre vite e gjysmë, por vendosa të heq dorë pasi u njoha me të”, tha Joyce.
Bashkëshorti i saj quhej Don Freeman. Ata dy u martuan në vitin 1955, arritën të sjellin në jetë tre fëmijë para se Freeman të ndërronte jetë – duke e lënë të ve për pesë vite.
DeFauw në fund u martua sërish me burrin e dytë, Roy DeFauw. Së bashku sollën në jetë gjashtë fëmijë, përfshirë dy herë binjakë.
Me kalimin e viteve familja e saj u zgjeruar, e tani ka 17 nipa dhe 24 stërnipa. Në vitin 2019, DeFauw shfaqi interesim për fakultetin që e kishte braktisur shumë vite më parë.
“Ndoshta e kam përmendur që jam e shqetësuar që nuk e kam përfunduar shkollimin dhe fëmijët e mi më inkurajuan që të rikthehem”, tha ajo pasi u regjistrua sërish në Universitet dhe filloi të ndjek ligjëratat.
Anëtarët e familjes ishin mbështetësit më të mëdhenj, e në vend se të ecë deri në kampus, ajo i ndoqi nga dhoma e saj – pra online.
“Ishte kompjuteri im i parë”, tha DeFauw, duke shtuar “se fëmijët është dashur ta mësojnë që ta përdorë”. /Telegrafi/
Great grandmother Joyce Defauw graduated from Northern Illinois University at ninety. After putting college on hold to raise her family, she decided to complete her degree after seventy years. @linseydavis reports. https://t.co/wIixdvTF1Y pic.twitter.com/MgHRDFwIMD
— World News Tonight (@ABCWorldNews) December 12, 2022