Mbretëresha Elizabeth II u nda nga jeta në moshën 96-vjeçare, duke lënë pas një trashëgimi të vlefshme.
Një nga pikat kryesore është sigurisht kurora e bërë për Mbretin George IV në shtëpinë e bizhuterive Rundell&Bridge në vitin 1820.
Kurora prej diamanti tani do të mbahet nga bashkëshortja e Mbretit Charles III, Camilla, ndërsa një ditë kur Princi William të bëhet mbret, këtë pjesë të çmuar do ta mbajë gruaja e tij, Kate Middleton.
Në diademën e vlefshme ka katër kryqe malteze dhe dekorime që përfaqësojnë simbolikisht Anglinë, Irlandën dhe Skocinë, si dhe trëndafila, shamrocks dhe gjemba.
Për ta bërë atë edhe më prestigjioz, mbi të janë ngulitur 1333 diamante me peshë 320 karat, ndërsa në qendër të kryqit të përparmë është vendosur një diamant i rrallë i verdhë i zbehtë.
Kurora është një simbol i statusit dhe më së shumti mbahet nga gratë. Supozohet se mbreti i ri, Charles III, nuk do ta veshë këtë ekzemplar magjepsës në asnjë rast zyrtar. Ndërkohë që pritet të shihet si një shtesë e re bashkëshortja e mbretëreshës Camilla.
Vlera e kësaj kurore sot është rreth 900.000 dollarë dhe është një nga kurorat më simbolike. Mbretëresha e veshi atë në disa momente të rëndësishme historike. Një prej tyre ishte në vitin 1952 kur ajo hapi Parlamentin. /Telegrafi/