Nga e mërkurja liqeni i Badovcit ka filluar kapërdherjen, duke bërë kështu që kuotat hidrike të jenë maksimale. Kështu është thënë në njoftimin e Kompanisë së Ujësjellësit Rajonal KUR “Prishtina”.
Në këtë njoftim më tutje thuhet se nga sot do të ketë furnizim 24 orë më ujë pa ndërprerje.
“Por, njëkohësisht kërkojmë edhe ruajtjen e ujit dhe kryerjen e obligimeve që keni ndaj ujësjellësit qe te kemi një vazhdimësi të mirë të furnizimit me ujë. Derisa në rajonet tjera të botës është çështje serioze furnizimi i qëndrueshëm me ujë për shkak të thatësirave, në dy vjetet e fundit fatmirësisht vendi ynë nuk u përballua me këtë problem, por kjo nuk do të thotë qe pas dy vjetëve do të kemi këtë siguri. Prandaj, ne duhet mirë të menaxhojmë këtë resurs që sa vjen e bëhet me i rëndësishëm për jetën e njeriut. Apel për qytetarët që mos të hedhin mbeturina për rreth brigjeve të liqeve”, përfundon komunikata. /Telegrafi/
