Një futbollist është kthyer në hero në një ndeshje futbolli në Çeki duke i shpëtuar jetën portierit kundërshtar.
Portieri Martin Berkovec, 28 vjeçar, doli që ta largojë një top në ndeshjen mes Bohemians 1905 dhe Slovacko, por që u godit keq nga bashkëlojtari i tij, Daniel Krch.
Berkovec, që është në huazim nga Slavia Prague, humbje vetëdijen pas rënies në tokë, ndërsa i ‘iku gjuha’, por për fat të tij aty qëlloi sulmuesi Francis Kone.
Ai nuk priti futjen në terren të mjekëve, por reagoi vetën duke ia futur dorën në gojë dhe duke ia drejtuar gjuhën.
Berkovec pas rastit u dërgua në spital ku është duke marrë vetën drejt shërimit të plot.
Ai shkroi një facebook një falënderim për lojtarin kundërshtarë: “Dua ta falënderoj Francis Kone për dhënien e ndihmën në ndeshjen e sotme… I jam mirënjohës dhe faleminderit përsëri!!!”.
Sipas Daily Mirror, trajneri i Slovackos, Mikal Kordula, ka vlerësuar lartë ndihmën e Kones, gjatë konferencës për shtyp pas ndeshjes.
“Unë e falënderoi Bohemians dhe Francisin për ndihmën. Duhet t’ia heq kapelën. Kështu duhet të sillen lojtarët ndaj njëri-tjetrit”.
Por kjo rezulton se nuk është hera e parë që Kone ka shpëtuar jetë.
Ai thotë se është hera e katërt në karrierën e tij që ia ka tërhequr gjuhën lojtarëve duke i shpëtuar nga mbytja.
Kone ka luajtur futboll në Tajlandë, Oman, Portugali, Hungari, Togo dhe Breg të Fildishtë.
Incidenti ishte gjëja me interesante që ka ndodhur gjatë ndeshjes, e cila përfundoi pa gola. /Telegrafi/
