Të mërkurën prej orës 18:00 në program është takimi i parë gjysmëfinal ndërmjet Trepçës dhe Sigal Prishtinës. Të enjten po ashtu prej orës 18:00 ndeshja e dytë Peja – Bashkimi. Finalja është të shtunën e kësaj jave në ora 20:00.
“Organizatori i ka bërë të gjitha përgatitjet e duhura për mbarëvajtje të garës më prestigjioze. Për të qenë sigurimi në nivelin më të lartë, në palestër janë vendosur edhe kamerat vëzhguese si dhe është biseduar me klubet pjesëmarrëse që të punojnë me tifozët e tyre që të mos ketë kurrfarë eksesi”, ka thënë kryetari i KB Peja, Art Gashi, për Telegrafi.
Fitues aktual i kupës së Kosovës në basketboll për meshkuj është Peja që për herën e fundit këtë garë e pati organizuar në vitin 2005. /Telegrafi/