Pesë aksidente rrugore kanë ndodhur gjatë 24 orëve të fundit në Shkup. Në tre aksidente, lëndime të lehta trupore kanë marrë tre persona, ndërsa në dy është shkaktuar dëm material, transmeton Telegrafi Maqedoni.
Dragan Veljanoski nga SPB-Shkup thotë, policia e trafikut ka sanksionuar 12 shoferë për tejkalimin e shpejtësisë së vozitjes, shtatë kanë kaluar në të kuqe në semafor, katër kanë qenë me automjete pa regjistrim, ndërsa nëntë pa leje qarkullimi.
Janë shqiptuar sanksione edhe për 44 automjete të parkuara në mënyrë joligjore, si dhe pesë shoferë të biçikletave me motor, moped dhe motoçikleta të cilët nuk kanë mbajtur helmetë. Me ndihmën e automjetit special karrotrec “Merimanga”, gjatë ditës së djeshme janë larguar 61 automjete të cilat në masë të madhe e kanë penguar zhvillimin normal si të këmbësorëve, ashtu edhe komunikacionin motorik.
Në suaza të projektit për kulturë të komunikacionit të fëmijëve në institucionet parashkollore Reparti për parandalim pranë SPB-së Shkup sot do të realizojë punëtori edukative në kopshtin “Srniçka”, objekt “Çekorçe” në komunën e Aerodromit. /Telegrafi/