Nënkryetari i PDK-së, Hajredin Kuçi, në Konventen e Jashtëzakonshme të Partisë Demokratike të Kosovës, e ka nominuar Kadri Veselin për Kryetar të PDK-së.
Kuçi ka thënë se portretin më të mirë për të do ta përshkruante Hashim Thaçi si bashkëpunëtori më i afërt i tij.
Për Veselin, Kuçi ka thënë se ka qenë njëri prej organizatorëve të paraluftës, të luftës dhe të paqes.
“Kadri Veseli është njëri prej protagonistëve të Rambujes. Kadri Veseli ka dhënë kontribut të jashtëzakonshëm në sigurinë e Kosovës paslufte”, ka thënë ai.
Kuçi tha se Veseli ka hyrë natyrshëm në PDK, sikurse natyrshëm edhe po bëhet Kryetar partie.