Shërbimi Meteorologjik Ushtarak bën të ditur se për ditën e martë territori i Shqipërisë do të ndikohet nga kushte atmosferike të qëndrueshme falë masave ajrore relativisht të thata.
Moti parashikohet me alternime kthjellimesh e vranësira të pakta deri mesatare, ne orët e mesditës. Në mënyrë të izoluar do të ketë reshje të dobta shiu në majat e maleve.
Era do të fryjë me drejtim veriperëndim – verilindje me shpejtësi mesatare deri në 8 m/s përgjatë vijës bregdetare dhe në lugina era fiton shpejtësi deri 12 m/s. Valëzimi në dete do të jetë i forcës 1-2 ballë.
Temperaturat parashikohen nga 17 deri në 38 gradë Celsius. /Telegrafi/