Shërbimi Meteorologjik Ushtarak bën të ditur se për ditën e hënë territori i Shqipërisë do të ndikohet nga kushte atmosferike të qëndrueshme.
Moti parashikohet i kthjellët në të gjithë territorin përjashtuar vranësirat e pakta kalimtare në relievet kodrinore – malore në lindje në orët e drekës dhe ato të pasdites. Këto vranësira do të shoqërohen me reshje shiu të izoluara në orët e nxehta të ditës.
Era do të fryjë me drejtim veriperëndim – jugperëndim me shpejtësi mesatare deri 5m/sek, ndërsa përgjatë vijës bregdetare era në mesdite fiton shpejtësi 6-8m/s.
Valëzimi në dete do të jetë i forcës 0-1 ballë.
Temperaturat parashikohen të jenë nga 16 deri në 34 gradë Celcius. /Telegrafi/