Andrea Gaylord që ishte detyruar ta linte prapa qenin Madison, kur flakët enorme e përfshinë lagjen e saj në Kaliforni të Shteteve të Bashkuara, është kthyer pas një muaji dhe gjeti kafshën e preferuar, duke mbrojtur rrënojat e shtëpisë që ishte dikur.
Vullnetarët e një organizate për shpëtim, e kishin shpërndarë fotografinë e qenit besnik që rrinte në pronën e shkrumbuar dhe kërkuan nga pronarët që të shkojnë për ta marrë, transmeton Telegrafi.
“Ata janë lutur që t’i kenë kafshët mirë, pasi nuk mund të bënin asgjë për t’i shpëtuar. Për fat të mirë, një pronare e gjeti qenin gjallë dhe në gjendje të mirë”, shkruan në videon e postuar.
Pamjet mbresëlënëse, e tregojnë atë që takohet me qenin, me të cilin bashkohet edhe qeni tjetër, që kishte arritur të largohej prej pronës.
Zjarret në Kaliforni i kanë lënë të vdekur 85 veta, teksa të 11 tjerë janë ende të zhdukur, edhe pas një muaji. /Telegrafi/
