Pos bllokut A3, që prodhon 130 megavatë/orë energji elektrike, në prodhim janë edhe dy njësitë e TC “Kosova B”, përkatësisht B1 me 245 megavatë/orë dhe B2 me 260 megavatë/orë, HC “Ujmani” në orët e pikut me 32 megavatë/orë dhe importi që shkon deri në 150 megavatë/orë.
Furnizimi po bëhet sipas kategorisë ABC. Kategoria A po furnizohet 5:1 ose 4:2, kategoria B 4:2 ose 3:3 dhe kategoria C 3:3 ose 2:4 (varësisht nga kërkesa).
Furnizimi me energji elektrike pritet të stabilizohet të premten në mëngjes, kur planifikohet lëshimi në sistem i njësisë A5 të TC “Kosova A”. Kjo njësi është në fazën finale të testimeve dhe pas arritjes së kapaciteteve maksimale siç parashihen me kontratë do të bëhet pranimi nga kontraktuesit.