Jenny dhe Jonathan Minger mbetën të hutuar, kur u kthyen në Cheshire të Anglisë, për ta gjetur shtëpinë dhe veturën e mbështjellë me qese najloni.
Gruaja 25-vjeçare dhe burri saj një vit më i ri, që ishin në muajin e mjaltit në Cancun të Meksikës, shfrytëzuan një thikë të vogël që të hapin derën, transmeton Telegrafi.
Pasi pushuan, të nesërmen ata u desh të dalin për të larguar shtresën që e kishin vënë si mahi shokët e tyre.
“Kaluam ditë përrallore në bregdet, por gjithçka u harrua kur arritëm në shtëpi. Fillimisht u nervozova, por e pastruam shpejtë dhe tani po mahitemi”, ka thënë Jenny.
Mirëpo, njëjtë nuk kishin kaluar edhe miqtë e tyre, që kaluan orë të tëra për t’ju mbështjellë pronën, sepse materiali ishte i butë dhe nuk qëndronte. /Telegrafi/
