Komisioni për Sëmundje Infektive informon se në mbledhjen e sotme u shqyrtua dhe u diskutua për situatën aktuale epidemiologjike me qëllim intensifikimin e fushatës së vaksinimit kundër Covid-19, duke vendosur informacione të verifikuara shkencërisht në rrjetet sociale dhe mediat, me qëllim informimin dhe edukimin e duhur të publikut në lidhje me sigurinë dhe efikasitetin e vaksinës.
Nga KSI thonë se edhe pse situata është e qetë, njerëzit duhet të jenë të vetëdijshëm se virusi është i pranishëm dhe vaksinimi është mënyra më e sigurt për të parandaluar formën e rëndë të sëmundjes, shtrimin në spital dhe vdekjen.
“Komisioni për Sëmundjet Infektive, në përputhje me rrezikun epidemiologjik, si dhe situatën me vendet evropiane, do të vazhdojë të monitorojë nga afër situatën aktuale dhe, nëse është e mundur, do të propozojë lehtësim gradual të masave”, thonë nga KSI./Telegrafi/