Komisioni Shtetëror i Zgjedhjeve sot në mbledhje i publikoi rezultatet përfundimtare nga zgjedhjet kuvendare që u mbajtën më 15 korrik.
Sipas rezultatit përfundimtar, koalicioni ‘Mundemi’ fitoi 46 mandate, OBRM-PDUKM fitoi 44 mandate, BDI do të përfaqësohet me 15 deputet, koalicioni AA 12, E majta me dy deputet dhe një deputet do të jetë i PDSH-së, njofton Telegrafi Maqedoni.
Sipas rezultateve përfundimtare që i shpalli kreu i KSHZ-së, Oliver Derkoski, koalicioni ‘Mundemi’ fitoi 327.408 vota apo 35.89%, koalicioni i OBRM-PDUKM-së ka 315.3444 vota apo 34.57%, BDI ka 104.699 vota apo 11.48%, koalicioni AA ka 80.000 vota, E majta 37.426 vota apo 4.1% dhe PDSH 13.930 vota apo 1.53%.
Nga partitë politike që ishin pjesë e zgjedhjeve por që nuk fituan mandate e para është partia Integra me 12.291 vota apo 1.35%, GDU 3.555 vota apo 3.9%, MORO partia e punës 3.245 vota apo 0.36%, ‘Glas za Makedonia’ 2800 vota apo 0.31%, Maqedonia unike 2.600 vota apo 0.29%, SDU 2.585 apo 0.28%, ‘Tvoja partia’, 1.894 vota apo 0.21, Demokratët 1.559 vota apo 0.17%, Partia Popullore e Romëve 1.225 vota apo 0.13%./Telegrafi/