Bukuria e këtij modeli flokësh është se mund të arrihet në flokë të çdo gjatësie
Ky stil është shumë i lehtë për t’u arritur, dhe me të vërtetë nuk është aq i komplikuar sa duket.
Më poshtë Anthony Cole ndan gjithçka që duhet të dini për vetë krijimin e tallazeve të lagura me gishta, transmeton Telegrafi.
Hapi i parë
Cole fillon duke u larë me një shampo dhe balsam hidratues. “Kur flokët janë të hidratuar, janë më fleksibël dhe elastikë, gjë që është ideale për bërjen e tallazeve me gishta”, thotë stilisti. Pasi të keni larë flokët, thajini butësisht me një peshqir.
Hapi i dytë
Aplikoni xhelin në flokët tuaj dhe krihni mirë, më pas aplikoni vajin. “Përzierja e vajit me xhelin u jep flokëve më shumë fleksibilitet dhe parandalon që xheli të dëmtohet”.
Hapi i tretë
Krihni flokët drejt poshtë nga të dyja anët. “Për të bërë tallaze të lagura me gishta, mbajeni krehrin horizontalisht kundër kokës, në mënyrë që dhëmbët të prekin lëkurën e kokës, vendosni një gisht në një pjesë të flokëve dhe tërhiqeni krehin poshtë dhe drejt ballit dhe do të shihni formën e një tallazi deti.
Hapi i katërt
Futeni gishtin nën tufën e re të flokëve dhe lëvizni krehrin në drejtim të kundërt për të formuar një tallaz në drejtimin tjetër. Vazhdoni të ndiqni këtë model deri në fund dhe përreth flokëve tuaj për të formuar një model flokësh.
Hapi i pestë
Thajini lehtë flokët me zgjatimin e detyrueshëm në mënyrë që frizura të mos humbasë formën e saj.
Hapi i gjashtë
Hapi i fundit është të aplikoni vaj spërkatës në flokë për shkëlqim të lehtë dhe ndjenjë të mëndafshtë.
/Telegrafi/