E plotësuar: Ka përfunduar mbledhja e Kryesisë së Partisë Demokratike të Kosovës.
Pas përfundimit të mbledhjes nuk janë prezantuar emrat e kandidatëve për kryetar të komunave nga radhët e PDK-së.
Ndryshe, mediat sot kanë shkruar se partia e Kadri Veselit po shkon drejt zgjedhjeve lokale e thyer në dy bastionet kryesore, përkatësisht në Skenderaj dhe në Drenas.
Atje ka disa pretendues partiakë për kryetar të komunave, të cilët kërcënojnë se nëse nuk e marrin bekimin e kryetarit të partisë do të garojnë si kandidatë të pavarur.
Fillon mbledhja e Kryesisë së PDK-së
E plotësuar: Ka filluar të mbahet mbledhja e Kryesisë së Partisë Demokratike të Kosovës.
Në këtë takim pritet të diskutohet për përcaktimin e emrave për kryetarë të komunave nga PDK-ja.
Kryesia e PDK-së mban mbledhje, diskutojnë për zgjedhjet lokale
Anëtarët e kryesisë së Partisë Demokratike të Kosovës do të mbajnë një mbledhje, ku do të diskutojnë për zgjedhjet lokale në vend, që do të mbahen më 22 tetor.
Mbledhja e Kryesisë së PDK-së do të fillojë në ora 11:00.
Ndryshe, mediat sot kanë shkruar se partia e Kadri Veselit po shkon drejt zgjedhjeve lokale e thyer në dy bastionet kryesore, përkatësisht në Skenderaj dhe në Drenas.
Atje ka disa pretendues partiakë për kryetar të komunave, të cilët kërcënojnë se nëse nuk e marrin bekimin e kryetarit të partisë do të garojnë si kandidatë të pavarur. /Telegrafi/