Kryeministrja finlandeze, Sanna Marin ka rezultuar negative në një test droge që ajo e bëri pasi iu publikua një video duke u dëfryer me miqtë e saj.
Marin, 36-vjeçare tha të premten se po bënte testin e drogës “për mbrojtjen e saj ligjore”.
Duke folur në një konferencë shtypi në Helsiniki, ajo mbrojti veprimet e saj dhe këmbënguli se nuk kishte përdorur kurrë substancë ilegale, transmeton Telegrafi.
“Unë sot kam bërë një test droge dhe rezultatet do të dalin brenda një jave. Asnjëherë në jetën time nuk kam përdorur drogë”, u shpreh Marin.
Ndërkohë, zyra e saj deklaroi të hënën se nuk u gjet asnjë lëndë narkotike në testin e drogës që ka bërë ajo. /Telegrafi/
