Qeveria e Kosovës numëron më shumë se 80 zëvendësministra. Ata janë emëruar nga kryeministri i Kosovës Ramush Haradinaj.
Ky i fundit ende nuk i njeh të gjithë. As pas nëntë muajsh emrat e zëvendësministrave janë të panjohur për Haradinajn. Kështu i ndodhi edhe sot.
Në mbledhjen e Qeverisë Haradinaj nuk e njohu njërin nga ta. Është zëvendësi i ministrit të Financave, Mustafë Grainca, të cilin nuk e njohu kryeministri.
“Cili zëvendësministër je ti?”, i është drejtuar Haradinaj, zv.ministrit të Ministrisë së Financave, para se t’ia jepte fjalën.
Grainca në mungesë të shefit të tij Bedri Hamza mori fjalën në mbledhjen e Qeverisë. Por Haradinaj u desh ta pyesë për emrin.
E në ndihmë i doli zëvendësi i Haradinajt, Fatmir Limaj që ia tregoi emrin e zëvendësministrit të panjohur për kryeministrin. /Telegrafi/
