Kryeministri i Kosovës, Isa Mustafa, përmes fotografive të postuara në faqen e tij në Facebook, ka kujtuar aktivitetet e tij dhe të qeverisë që drejton gjatë vitit 2016.
“Rishikimi i disa fotografive të vitit 2016, më riktheu në kujtesë qindra punë të kryera, suksese të konfirmuar dhe rezultate që i kemi arritur së bashku gjatë vitit që lamë pas”, ka thënë Mustafa.
“Këto imazhe, po ashtu, na tregojnë se me punë dhe përkushtim, Kosova po arrin rezultate të konsiderueshme, të cilat nganjëherë janë nën hije të inskenimeve artificiale politike”.
“Fotografitë e mëposhtme dëshmojnë potencialin e jashtëzakonshëm njerëzor, si dhe të arriturat e mëdha të Kosovës në vitin 2016”, ka shkruar Mustafa në Facebook, duke postuar dhjetëra fotografi. /Telegrafi/
