Shinzo Abe, kryeministri japonez me shërbimin më të gjatë në histori, ka dhënë dorëheqje, duke përmendur arsyet shëndetësore.
“Edhe pse mandati im do të përfundojë pas një viti dhe kam pasur disa sfida që të përmbushi, unë kam vendosur të jap dorëheqje si kryeministër”, tha Abe në një konferencë për shtyp në Tokio, raporton CNN.
Abe vuan nga koliti, një sëmundje inflamatore jo e shërueshme e zorrëve, e cila ishte gjithashtu një ndër arsyet e dorëheqjes së papritur si kryeministër në vitin 2007, duke i dhënë fund mandatit të parë pas pak më shumë se një viti në detyrë, transmeton Telegrafi,
Të hënën në mëngjes, 65-vjeçari vizitoi për herë të dytë brenda një jave Spitalin Universitar Keio në Tokio.
“Gati tetë vjet radhazi e kam nën kontroll sëmundjen kronike. Megjithatë, këtë vit kisha kontrolle të rregullta dhe u konfirmua se mu ka rënduar shëndeti”, tha Abe.
“Unë bëra një gjykim se nuk duhet të vazhdoj punën time si kryeministër”, tha ai duke shtuar se “Unë duhet të luftojë kundër sëmundjes dhe duhet të trajtohem”.
Ndryshe, Abe gjatë ditës së sotme është pritur të mbajë një konferencë për shtyp në lidhje me situatën e coronavirusit në Japoni. /Telegrafi/