Kryeministri izraelit Benjamin Netanyahu, gjatë një udhëtimi gjashtëditor në Nju Jork, ka shpenzuar nga buxheti shtetëror hiq më pak se 600.000 dollarë, nga të cilat 1.600 për frizerin personal, thuhet në një raport të fundit mbi shpenzimet.
Sipas AP, në këtë raport nuk janë përfshirë shpenzimet e gruas së tij Sara Netanyahu, transmeton Telegrafi.
Shpenzimet e Netanyahu gjatë qëndrimit të tij në Shtetet e Bashkuara, ku mori pjesë ne sesionin vjeshtor të Asamblesë së Përgjithshme të OKB-së, përfshijnë edhe shpenzimet për pastrim kimik 210 dollarë, 1,860 për ushqim dhe 20.000 për udhëtimin e tij me vetura nga qyteti në qytet.
Avokati Ben Shahar Meir i cili ka arritur të siguroi këtë raport mbi shpenzimet, ka paditur kabinetin e kryeministrit dhe ministrinë e punëve te jashtme.
“Ato janë paratë e mia dhe dëshiroj të di se çfarë është bërë me këto para”, ka shtuar ai. /Telegrafi/