Kryetari i komunësë së Vallandovës, Nikollçe Çurlinovski ka sjellë vendim për të ndaluar shpalljen e vendimit për referendum që u soll nga Këshilli i kësaj komune në seancën e jashtëzakonshme të 3 korrikut, përcjell Telegrafi Maqedoni.
Kjo do të thotë se brenda 40 ditëve nuk do të mund të organizohet referendum që kërkohet nga nisma qytetare ”Shpëtim për Vallandovën”, kërkesë e mbështetur nga më shumë se 2000 qytetarë të kësaj komune.
Agjencia AIM bën të ditur se nisma insiston që përmes referendumit të deklarohen për, ose kundër xeherores Kazandoll, si edhe nëse janë për ose kundër hapjes së xeheroreve tjera në territorin e kësaj komune.
Aktivistët e kësaj nisme thonë se kryekomunari e ka shkelur vullnetin e popullit dhe theksuan se nuk do të ndalen deri në realizimin e kësaj të drejte. Nisma paralajmëron masa të reja, kurse zgjidhje shohin në një seancë të re të këshillit komunal. Nëse mbahet seanca e re dhe nëse sërish vendoset për referendum, atëherë kryekomunari Çurlinovski nuk do të mundet që ta pengojë publikimin e vendimit në Gazetën Zyrtare./Telegrafi/