Për shkak të ndërhyrjes ilegale/ të paautorizuar të qytetarëve të papërgjegjshëm në valvolën kryesore në Hajvali të Komunës së Prishtinës, pjesa dërmuese e banorëve të këtij fshati ka mbetur pa furnizim me ujë të pijshëm.
KRU Prishtina njofton se ekipet e mirëmbajtjes dhe operimit do të merren me sanimin e defeketit, me ç’rast konsumatorët e zonës më të madhe të Hajvalisë deri në sanimin përfundimtar do të jenë pa ujë të pijshëm deri nesër.
Për shkak të këtij defekti nga persona të paautorizuar, gjatë ditës së nesërme, duke filluar nga ora 10:00 – 14:00, furnizimi me ujë të pijshëm do të ndërpritet në Graçanicë, Hajvali, Veternik dhe Zona Qendër e Bregut të Diellit, Lagjja e Spitalit dhe Mati 1.
Intervenimi nga ekipet e mirëmbajtjes dhe operimit duhet të realizohet në gypin magjistral Badoc-Prishtinë dhe krejt për shkak të dëmtimit të valvolës në Hajvali, nga persona të papërgjegjshëm, përfundon njoftimi i KRU Prishtina.