Organizuar nga Autoriteti Rregullator për Shërbimet e Ujit (ARRU), e ku nikoqir ishte Kompania Rajonale e Ujësjellësit ‘Hidrodrini’ në Pejë është zhvilluar diskutimi publik me temën “Përcaktimi i tarifave të shërbimeve të ujit”.
Në hapje të takimit, në cilësinë e nikoqirit, objektivat e kompanisë, para ta pranishmëve i shpalosi kryeshefi ekzekutiv i KRU ‘Hidrodrini’, Agron Tigani.
Biznes planin tarifor tre vjeçar (01.01.2022 – 31.12.2024) e shpalosi Zyrtari kryesor Financiar, Rasim Maloku.
Nga ana e ARRU-së, përfaqësuan Hysni Feka – Analist i tarifave, Vehbi Duraku – Analist për investime kapitale dhe Lule Aliu – Zyrtare për Marrëdhënie me Publikun.
Përpos të tjerëve, në diskutim publik morën pjesë edhe përfaqësues nga Shoqëria civile, OJQ ‘Syri i Vizionit’ dhe organizata mjedisore ‘Let’s do It Peja’, respektivisht Naser Lajqi dhe Urim Xharavina.
U konkludua se plani tarifor i shpenzimit të ujit, në periudhën e ardhshme tre vjeçare, (01.01.2022 – 31.12.2024) në tërë zonën e mbulueshmërisë, komunat Pejë, Istog, Deçan, Klinë dhe Junik, nuk do të ketë rritje çmimi nga tarifat aktuale 2021.
Kjo si rezultat i performancës dhe qëndrueshmërisë financiare të KRU ‘Hidrodrini’. /Njeshi/