Toni Kroos është shprehur i bindur se Zinedine Zidane mund t’i rikthejë ata sërish në rrugën për të fituar trofe dhe ta dominojnë Evropën.
Mesfushori gjerman ka sqaruar se rikthimi i trajnerit francez në Santigo Bernabeu është bërë në momentin e duhur, pasi klubi po kalonte nëpër momente të vështira.
“Zidane dëshiron që ta perfeksionojë edhe më shumë vetën si trajner, andaj këtë gjë e kërkon edhe nga ne lojtarët”, ka thënë Kroos në një intervistë për Kicker.
“Ne dëshirojmë të luajmë më mirë dhe të jemi më efikas në ndërtimin e aksioneve. Ky është çelësi për te sukseset, pjesa tjetër vije duke u mbështetur në të”.
“Nëse ju luan në mënyrë të përsosur, titujt nuk do të mungojnë. Nuk është e lehtë të merrni një skuadër aty ku na la Zidane neve. Është e vështirë të arrish në atë nivel”, ka shtuar më tej Kroos.
Real Madridi në sezonin e kaluar përfundoi në vendin e tretë, derisa rivali i përbetuar Barcelona e fitoi titullin e La Liga-së, ndërsa në edicionin 2019/20 do të tentojnë që ta rikthejnë titullin në Santiago Bernabeu. /Telegrafi/