Toni Kroos ka përjashtuar një rikthim të dytë në Bayern Munich ose në Bundesligë, pasi me e mundur është që ai të qëndrojë në Real Madridin deri në vitin 2022.
Fituesi i Kupës Botërore la vendlindjen e tij për Spanjën në verën e vitit 2014, pasi krijoi një reputacion si një nga mesfushorët më të mirë në Evropë.
Talenti i tij është përqafuar edhe në Santiago Bernabeu, me 145 paraqitje të bëra në tre sezone të luajtura.
Kroos pranon se do të shijojë kohën e tij në La Liga dhe nuk sheh ndonjë arsye pse ai duhet të kërkojë të rishikojë hapat e tij dhe të kthehet në territorin e njohur në Gjermaninë e tij të lindjes.
“Në Bundesligë, unë definitivisht nuk do të luaj më, pasi kapitulli im është i përfunduar aty”, ka thënë fillimisht Kroos për Sponsors.
“Nuk mund ta imagjinoj që të kthehem në Bayern, kjo nuk do të ndodhë, kështu që nuk ka mundësi tjetër për mua në Gjermani”.
“Nuk mund të them se çfarë do të ndodhë në pesë vjet, por qëllimi është që të qëndroj në Real Madrid”, përfundoi mesfushori gjerman. /Telegrafi/