Mesfushori i Real Madridit, Toni Kroos, ka thënë se uria e tij për sukses nuk është zbehur dhe për objektiv kryesor e ka titullin e pestë të Ligës së Kampionëve.
Gjermani është pjesë e Los Blancos nga viti 2014, ndërsa është në grupin e gardës së vjetër, së bashku me emra, si Sergio Ramos, Luka Modric, Casemiro e Karim Benzema.
Gjatë këtyre viteve, 31-vjeçari e ka fituar tri herë Ligën e Kampionëve me Los Blancos, ndërsa një trofe të garës së madhe evropiane e kishte fituar edhe me Bayern Munichun.
“Kur e ke mësuar ndjenjën e fitimit të Ligës së Kampionëve, dëshiron ta ndjesh përsëri dhe përsëri”, citon AS fjalët e Kroos.
“Ndoshta nuk do t’ia dalësh brenda disa vitesh, duke qenë se edhe të tjerët duan ta dinë se si është, por dëshira për ta rijetuar përvojën, nuk zhduket”, ka shtuar mesfushori kreativ. /Telegrafi/