Një krokodil i madh është kapur nga kamera, duke u sulur në drejtim të një grupi fëmijësh që ishin duke peshkuar në qytetin e largët të Queensland të Aurukun.
Sipas mediave të huaja, përcjell Telegrafi, krokodili mund të shihet duke lëvizur nëpër ujë drejt grupit të fëmijëve të mbledhur në breg, të cilët duken duke u argëtuar, duke hedhur gjësende në ujë.
Siç bëhet e ditur, videoja ishte postuar në Facebook nga Rosie Woolla.
Ajo ka shkruar se një fëmijë kishte hedhur një shishe uji drejt kafshës në përpjekje për të zbuluar se sa e madhe ishte.
Për fat të mirë, asnjë nuk kishte pësuar ndonjë lëndim. /Telegrafi/
https://www.youtube.com/watch?v=75YAFHV8CI4