Policia kroate ndaloi katër anëtarë të Parlamentit Evropian të shikonin trajtimin e autoriteteve kroate ndaj migrantëve në kufirin me Bosnjë dhe Hercegovinën (BH), njoftoi klix.ba.
Ky portal deklaroi se eurodeputetët, të cilët erdhën dje në Kroaci për të shqyrtuar situatën në kufirin midis BH-së dhe Kroacisë, hasën në një bllokadë policore pas paralajmërimeve të shumta nga organizatat dhe institucionet e shoqërisë civile në lidhje me dhunën dhe shkeljet e të drejtave të njeriut.
Katër eurodeputetë, Pietro Bartolo, Alessandro Moretti, Pier Francesco Mayorino dhe Brando Benefei, mbërritën në kufirin BH-Kroaci për t’u siguruar se shteti kroat po trajtonte migrantët, por policia kroate e parandaloi atë pa argumente,.
Situata në pyllin Bojna në territorin kroat ishte mjaft e tensionuar dhe se policia “ndoqi nënkryetarin e Komisionit të BE-së për të Drejtat Civile, Pietro Bartol dhe kolegët e tij, në mënyrë që t’i parandalonte ata që të vinin në vendiin, ku migrantët kryesisht parandalohen “për të hyrë në Kroaci”.
Sipas kësaj media, rruga ishte bllokuar nga disa furgonë policie dhe rreth 20 oficerë të policisë kufitare.
Ndryshe, Bashkimi Evropian dhe Italia pritet t’i kërkojnë Zagrebit shpjegim për veprime të tilla të policisë. /Telegrafi/
