Në Azi, Japonia njoftoi se do të shpenzojë 255 miliardë dollarë si pjesë e një pakete stimuluese për pronarët e shtëpive dhe tregjet financire të vendit. Edhe Kina njoftoi se do të ndihmojë me borxhe dhe forma të tjera të mundshme me synimin për të ndihmuar industrinë e makinave dhe të çelikut.
Në Evropë, anëtarë të Bashkimit Evropian lanë mënjanë mosmarrëveshjet për të mbështetur një plan stimulues prej gati 260 miliardë dollarësh.
Indekset kryesore në Azi pësuan sot rënie prej më shumë se 5 përqind, pasi investitorët mësuan se Senati amerikan nuk miratoi mbrëmë paketën për shpëtimin e industrisë amerikane të makinave. Tregjet evropiane u mbyllën me një humbje prej më shumë se 2 për qind. Indekset në Shtetet e Bashkuara deri në mesditë ishin në luhatje të vazhdueshme.
Çmimet e naftës ranë më shumë se 3 dollarë për fuçi, ndërkohë që vlera e dollarit amerikan ra përkohësisht në nivelin më të ulët në 13 vjet përkundrejt jenit japonez./WOA/