Klubi anglez, Evertoni do të duhet të shesë gjatë verës njërin nga lojtarët e tyre më të çmuar dhe më të vlefshëm, Dominic Calvert-Lewin ose Richarlison.
Sipas mediumit britanik The Sun, shifrat e fundit financiare të klubit nënkuptojnë se njëri nga Richarlison ose Calvert-Lewin do të largohet gjatë verës.
‘Toffees’ po durojnë një sezon të mjerueshëm, i cili i sheh ata një vend mbi zonën e rënies nga Liga Premier.
Me një humbje prej 121 milionë funtesh nga sezoni i kaluar, Evertoni duhet të rikuperojë fondet për t’u siguruar që ata të mbeten skuadër që mund t’i kryej pagesat e lojtarëve dhe stafit.
Kjo do të thotë që ose qendërsulmuesi Calvert-Lewin ose sulmuesi anësor Richarlison do të largohen për të siguruar fonde.
Lojtari që largohet ka të ngjarë të jetë ai që tërheq oferta më të larta nga klubet evropiane apo edhe angleze në afatin kalimtar të verës. /Telegrafi/