Drejtuesit e Senatit amerikan kanë arritur një marrëveshje me zyrtarët e administratës së presidentit Donald Trump, për një paketë stimuluese gati 2 trilionë dollarë, për të ndihmuar në shpëtimin e ekonomisë amerikane të shkatërruar nga pandemia e Coronavirusit.
Sipas mediave të huaja, përcjell Telegrafi, pas disa ditësh bisedime midis senatorëve dhe zyrtarëve të administratës, u arrit një kompromis dypartiak, dhe pritet të jetë masa më e madhe stimuluese ekonomike e SHBA-së e kaluar ndonjëherë.
“Ne kemi një marrëveshje”, tha Eric Ueland, drejtori i çështjeve legjislative të Shtëpisë së Bardhë, pak para orës 1 të mëngjesit, duke shtuar se teksti i projekt-ligjit ende duhej të përfundonte.
“Ne kemi një tekst legjislativ, të qartë, i cili reflekton të gjitha palët”, ka shtuari ai. /Telegrafi/