Kristen Wiig është në bisedime për të luajtur një rol negativ në vazhdimin e dytë të “Wonder Woman”.
Filmi i parë me superheroinën arriti sukses të madh komercial dhe u pëlqye nga kritikët e filmit.
Në ndërkohë është duke u përgatitur “Wonder Woman 2” dhe po spekulohet për emrat që do të jenë pjesë e ekipit të aktorëve.
Sipas Variety, Wiig është kandidatja kryesore për ta luajtur rolin negativ të Cheetah.
Kanë qenë katër karaktere të ndryshme, të cilat janë quajtur Cheetah ndër vite. Ndërsa në filmin e ri pritet të jetë arkeologia Barbara Ann Minerva, e cila ia shet shpirtin perëndisë Urtzkartaga, duke u shndërruar në një humanoid të fuqishëm dhe të pavdekshëm.
Në këtë mënyrë, Wiig do të dalë përballë protagonistes kryesore, rolin e të cilës e luan Gal Gadot.
Akoma nuk dihet se a e ka nënshkruar aktorja kontratën për të qenë pjesë e filmit, mirëpo është thënë se ka qenë lartë në listën e regjisores Patty Jenkins.
Kristen Wiig u bë shumë e njohur me rolet komike në “Bridesmaids” dhe “Ghostbusters”, si edhe në filmin e Ridley Scott, “The Martian”. /Telegrafi/