Kreshnik Hajrizi është huazuar te skuadra e Sionit deri në fund të këtij edicioni.
Klubi zviceran ka opsionin për të blerë kartonin e Hajrizit nga skuadra polake, Widzew Lodz.
“E mirëpresim Kreshniku. Ai është një përforcim për fazën tonë mbrojtëse, të cilin e kemi ndjekur prej kohësh. Ai do të sjellë cilësitë dhe entuziazmin e tij në fushë”, ka deklaruar drejtori sportiv i Sionit, Barthelemy Constantin, për faqen zyrtare të klubit zviceran.
Hajrizi, mbrojtës, ka filluar karrierën te skuadra e Young Boysit dhe në vitin 2021 iu bashkua Chiassos përpara se të kalonte te Lugano.
25-vjeçari ka luajtur katër ndeshje për Përfaqësuesen e Kosovës. /Telegrafi/