Finalja e madhe në Lojërat Olimpike ‘Parisi 2024’ në xhudo në kategorinë për femra deri në -52 kilogramë, mes Distria Krasniqit dhe Diyota Keldiyorova, i ka takuar xhudistes uzbeke.
Kjo është medalja e dytë në karrierën e saj në Lojëra Olimpike, pas asaj të artë në Tokio para tri vitesh. Për trajnerin e saj, Driton Kuka është medalja e katërt, me tri të arta dhe një të argjendtë.
Distria Krasniqi në përballje me Diyota Keldiyorovan, luftoi shumë, por nuk ia doli, duke e humbur finalen me një wazzari të uzbekes.
Drejt medaljes së argjendtë, në gjysmëfinale Distria u përball me xhudisten italiane Odette Giuffrida, ku fitoi me ‘golden score’, pasi italiania shmangej tërë kohën nga lufta dhe mori tri vërejtje.
Xhudistja nga Kosova mori katër fitore të jashtëzakonshme në katër meçe, duke konfrimuar dominimin e saj.
Krasniqi me ippon mposhti xhudistet Maryam March Maharani nga Indonezia dhe Gafen Primo nga Izraeli në fazat e para të garës. /Telegrafi/