Dihet se kënde të caktuara dhe mënyra se si pozoni ndikon në fotografitë që i postoni në rrjete sociale, por a keni ndaluar ndonjëherë dhe ta merrni në konsideratë edhe ndriçimin?
Një grua që di diçka në lidhje me këtë është Danae Mercer, një gazetare dhe influencuese amerikane e cila ka vërtetuar se sa e lehtë është ta bësh trupin të shfaqet në mënyrë dramatike ndryshe në internet.
Ylli i rrjeteve sociale ka fituar 722,000 ndjekës në Instagram falë postimeve të saj duke i mësuar përdoruesit në lidhje me mënyrat se si njerëzit mund ta bëjnë veten të paraqiten më të dobët në internet, siç është “rritja e vitheve të tyre” për të krijuar iluzionin e një kofshe të ëndrrave.
Kohët e fundit, Danae ka theksuar se sa ‘ndriçimi i përsosur’ mund të ndikojë në një foto – pasi ajo postoi dy selfie me rroba banje, të shkrepura disa minuta larg nga njëra-tjetra.
Në foton e parë, Danae ka thithur barkun e saj, ndërsa ndriçimi i butë fsheh plotësisht celulitin e saj dhe zbut pjesën më të madhe të strijave.
Në anën tjetër, Danae shkroi: “Unë jam thjesht duke u ulur rastësisht pranë pasqyrës. Ijët dhe kofshët e mia janë nën rrezet e diellit dhe shfaqen plotësisht.
Ajo gjithashtu pranoi se ajo i vendosi të pasmet sa më mbrapa, e mbante frymën dhe ‘shtrydhi’ barkun e saj për të arritur rezultatet në foton e parë, përkundër përpjekjeve të saj për ta bërë atë të duket e thjeshtë.
“Shumica e modeleve Instagram e dinë saktësisht se si të pozojnë dhe punojnë me këndet e tyre. Ato e dinë gjithashtu se cili është ndriçimi i duhur”, shkroi ajo. /Telegrafi/