Përbërësit:
• 2 vezë
• 250 gr djathë
• 150 ml jogurt
• 100 ml vaj ulliri
• 100 gr miell misri
• 100 gr miell gruri
• 100 gr hikror
• 150 gr hithra
• 20 gr fara (liri, susam dhe fare e zezë)
Përgatitja
Së pari marrim hithrat, i pastrojmë mirë dhe i ziejmë në ujë të kripur për 4-5 minuta. Pasi hithrat të jenë zier i kullojmë mirë dhe i presim imët.
Në një enë të madhe vendosim të gjithë përbërësit e lëngshëm duke i përzier mirë, ua shtojmë djathin bashkë me hithrat dhe në fund miellin bashkë me pluhurin për pjekje.
I përziejmë mirë dhe masën e vendosim në tepsi, ku do të shkojë në pjekje në 180 gradë Celsius për 40 minuta.